HERRI DANTZAK ESKOLETAN

HERRI DANTZAK GARATU 2012

2012-01-09T19:17:00.011+01:00

Hemen dituzue ikastarorako apunteak eta Otxarkoagako Harrobira iristeko argibidea:

- Herri Dantzak Gorputz Hezkuntzan eta Musikan txostena.
- Harrobira nola iritsi.
- Azken lana egiteko txantiloia.
- Inkesta betetzeko aplikazioa.
- Inkestaren orain arteko emaitzen kontsulta.

Bideoak blogaren eskuinaldeko barran dituzue, baita webquest bat eta beste hainbat eduki ere. Musika ikastaroan bertan emango zaizue.

Animo!

"Hezkuntza Curriculuma eta Gorputz Hezkuntzari buruzko ikerlana" aurkeztu du SOHAT-ek

2011-10-04T19:16:00.003+02:00

Inkesta

2011-03-01T00:22:00.010+01:00

Inkesta bete nahi baduzu hemen klikatu. Inkestan jasotako datuak ikusteko hemen sakatu. Bertatik lortutako datuak ikastaroa hobetzen lagunduko digutelakoan gaude. Eskerrik asko zuen partehartzeagatik.

Euskal Dantzen inguruko jolasa. Hitzapasa.

2011-01-13T13:02:00.006+01:00

Euskaljakintza web orrialdean aurki dezakezuen jokoa da ondorengoa. Maite Goñiren ideia eta hornitze lanei, eta galderak prestatu dituen Oier Araolazari esker Euskal Dantzen inguruko Hitzapasa jolasean ibiltzeko aukera daukagu.

GARATU 2010/2011 Elgoibar

2010-10-27T18:19:00.007+02:00

Azaroaren 2,3,4,8 eta 9an saio praktikoak emango ditugu Elgoibarreko institutoan. Bertara nola joan jakiteko mapan klikatu dezakezue. Dantzen guztien azalpen-txostena eta azken lana burutzeko txantiloia ere beheko linketan klikatuz jaitsi ahal izango duzue:

1) Elgoibarreko institutora iristeko mapa.
2) Dantzen txostena.
3) Azken lana burutzeko txantiloia.

Lekaroz-eko formakuntza

2010-09-29T19:07:00.010+02:00

Urriaren 4, 7, 18 eta 21, eta azaroaren 15 ean emango ditugun formakuntza saioetareko beharrezkoa eta interesgarria izango duzuen dokumentazioa beheko link-etan aurkitu dezakezue:

1) Dantzen txostena
2) Lana egiteko txantiloila

Aldaketak dantzen txostenean

2010-09-27T13:11:00.006+02:00

Aurretik blogean zintzilikatua izan duzuen txostenean aldaketa batzuk egingo ditugu. Dantzen inguruan azalpen batzuk aurkituko dituzue (hauen jatorria, dantzatzen den eguna, ...), zuzenketa batzuk, .... Beraz, pixkanaka txostena osatzen joango gara. Aldaketa hauek urriko 1. asterako prest izatea espero dugu.

Dantzen izendapenean ere, bideoen atalean, aldaketa batzuk egingo ditugu; hainbat dantzen jatorrizko izena zein den jakin dugu Patxi Monterori esker (munduko dantzetan aditua).

GARATU 2010-2011

2010-05-14T15:24:00.002+02:00

2010-2011 ikasturtean Euskal Dantzen inguruko bi ikastaro emango ditugu Elgoibarren. Iazko ikastaroan landutako eduki berdinak jorratuko ditugu, nahiz eta aldaketa txikiren bat egon daitekeen. Beraz, han izango gaituzue zuen esperoan.

Erromeriak: Kontradantzak eta musika taldeak

2010-05-14T15:05:00.005+02:00

Kontradantzak XVIII eta XIX. mendean Europa osoan modan egon ziren dantzak dira. Euskal Herrian ere dantzatutako dantzak izan ziren. Kontradantza horien doinu batzuk biribilketa eta arin-arinetan gelditu zitzaizkigun txertatuta eta baita kadrile eta polka moduan ere (iparraldean batez ere).

Dantza oso errezak dira urratsen zailtasunari dagokionez, dibertigarriak eta askotan bikote aldaketa bultzatzen dutenak. Gure arlorako oso erabilgarriak diren edukiak dira, bai haurraren garapenean laguntzeko (koordinazioa, erritmoa, memoria, gorputz eskema, gorputz adierazpena, ...), ikastetxeko jaialdietan dantzatzeko, ikasleen arteko harreman egokiak bultzatzeko, ...

Horrela, gaur egun Euskal Herrian erromerietan gero eta gehiago ikus ditzakegun dantzak dira. Erromerietan “betiko” fandango, arin-arin, biribilketa, jauzi, bals eta abarrez gain, kontradantzek espazio garrantzitsua betetzen dute gaur egun. Talde dexente dira beraien errepertorioetan kontradantzak jorratzen dituztenak, eta batzuk gainera beraien dantzaria dute egin beharreko pauso eta koreografiak nahi duen orori erakusteko. Gaur egun dauden talde batzuk:

- Arrabots: http://www.dantzan.com/albisteak/dantzarako-musika-arrabots

- Lauetan erdizka: http://erdizkaeusk.blogspot.com/

- Aiko taldea: http://www.aikotaldea.com/

- Patxi Perez: http://www.patxietakonpania.com/

- Agnes Perez: http://agnesperez.trad.org

- ...

Beraz, dantzarako gogoa duenak badaki nora jo.

Aipatu beharra dago ere alor honetan lanean aritu diren Tapia eta Leturia taldea, Urbeltzen Dantza Ganbara (Bilboko Kafe Antzokian),... Ahazten ditugunak ere egongo dira, baina hitz hauetatik eskerrak guzti-guztioi.

Txapeloa dantza

2010-03-09T13:11:00.005+01:00

Ondorengo link-ean klikatuz Txapeloa (guk Courinta deitu genion) kontradantzaren inguruko informazioa eta hainbat bideo aurkituko duzue. Oso interesgarria mota honetako dantzak nondik datozen jakin nahi duenarentzat. Gaur egun Euskal Herriko erromerietan ikus daitekeen dantza duzue, Patxi Perez-ekin, Tapia eta Leturia taldearekin, ...

Oriako Sorgin dantza

2010-02-08T12:45:00.004+01:00

Bideoen ataleko 31. bideo-klipean Oriako sorgin dantza ikusi ahal izango duzue. Elai Alai dantza taldekoak dira ikusiko dituzuen dantzariak; hasieran Boastitzea izeneko dantza dantzatzen dute jarraian Oriako Sorgin dantzarekin lotuz (1:40 doanean Oriako Sorgin dantza hasten da). Guk ikastaroan dantza osoa grabatu ez genuenez, hor aurkituko dituzue koreografiaren nondik norakoak. Kontuan hartu guk dantza guztiak modu sinple eta errazagoan egiten ditugula, izan ere bideo honetatik guk irakatsitakora zenbait ezberdintasun nabarituko dituzue eta!

Euskal Dantzak Gorputz Hezkuntzan ikastaroko bideo-klipak

2010-02-07T16:09:00.004+01:00

Eskuinaldeko menuan, BIDEOAK atalean, ikastaroan landutako dantzen bideoak aurkituko dituzue. Bideo hauek, dantzaren izena + Garatu 2010 izenez identifikatu ahal izango dituzue. Interneten aurkitutako beste dantza batzuen bideoak ere badituzue, interesgarriak eta errezak izan daitezkeenak gure ikasleekin lantzeko. Ea erabilgarriak egiten zaizkizuen!

Dantzen bideoak

2010-01-26T16:10:00.005+01:00

Ahal bezain laster ikastaroan landutako dantzen bideo-klipak ikusgai eta eskuragarri izango dituzue. Asmoa otsailaren 1etik 7rako aste horretarako lehenengo bideoak eskegitzea da. Hala ere dantzan.com web orrialdean euskal dantzen bideo kopuru handia eta informazioa ugari topa dezakezue.

CDa

2010-01-21T22:47:00.008+01:00

Falta den Buhamea doinua eta Orbaizetako beste doinu bat (lasaiagoa) daukazue ondorengo bi artxibotan:

Buhamea
Orbaizeta

Azken lana

2010-01-21T08:55:00.011+01:00

Ondorengo artxiboetan azken egunerako (lanen aurkezpen eguna, otsailak 22) burutu beharreko lanaren xehetasunak eta txantiloia topatuko dituzue. 3 dantza aukeratu eta gida jarraituz orria bete behar duzue. Kontuan hartu aurkezpen egunean 5 minutu izango dituzuela zuen lana eta esperientzia besteoi kontatzeko.

Azken lana egiteko azalpena
Azken lanerako txantiloia

GARATU ikastarorako dantzen txostena

2010-01-17T19:55:00.005+01:00

Ondorengo artxiboan GARATU 2009-2010 Euskal Dantzak Gorputz Hezkuntzan ikastarorako prestatutako dantzen txostena aurkituko duzue. Bertan emandako dantzen azalpenak topatuko dituzue hitzez zein irudiz. Ea baliagarria egiten zaizuen!

Euskal Dantzak Gorputz Hezkuntzan ikastaroa 2010

Webquest-a

2009-11-30T19:33:00.007+01:00

Hona hemen ikasleek Euskal Dantza baten inguruan egin beharreko lan batetarako webquest-a. DBHrako interesgarriagoa izan daiteke LHrako baino, baina tira, beti bezala, norberak ikusi edota froga dezala.

Webquest-a

Kontradantzak egiteko musika proposamenak

2009-11-20T16:08:00.005+01:00

Kontradantza bat egiteko doinua (Original Tune-Drummond Castle-Jennie's Blue E'en-The Steamboat). Eskoziako talde batena da. Doinuaren hirugarren zatia oso ezaguna egingo zaizue, hemengo "Euskalduna" dantzaren berdin-berdina baita!

Beste doinu batzuk:

Kontradantza: West's Awake Hornpipe-Robertson Hornpipe
Kontradantza: Kalmari Special
Kontradantza: Azkoitik Zumarragara
Kontradantza: Out on the Ocean_Tatter Jack Walsh_Boys of the Town
Kontradantza: 1. Kontradantza (Oskorri)
Kontradantza: Biribilketa bat
Kontradantza: Pirritx eta Porrotx
Kontradantza: Korrika8 (Tapia eta Leturia)
Kontradantza: Lastur bidean (Ostolaza eta Pujana)

Euskal Dantzak Gorputz Hezkuntzako helburuekin lotura

2009-11-12T10:45:00.008+01:00

Euskal Dantzek Gorputz Hezkuntzako zein helburu orokorrekin duten lotura.

Gorputz Hezkuntzako helburu orokorrak

Dantzak LHn zikloka antolatuak

2009-11-11T15:28:00.030+01:00

Horixe ba, zenbait dantza zein ziklotan landuko genituzkeenaren proposamena duzue ondorengo artxiboa:

Dantzak zikloka antolatuak

Blogaren xedea

2009-11-11T12:48:00.003+01:00

Euskal (eta munduko) Dantzak Gorputz Hezkuntzan ikastaroetan egingo dugunaren berri emateko erabiliko dugu blog hau. Pixkanaka eduki eta baliabide ezberdinak gehitzen joango gara, bideoak, musikak, dantzen azalpen txostena, webquest-ak, jokoak, ...

Dantzak modu erraz batean planteatzen ditugu, pausoak ahalik eta modu sinpleenean aurkeztuz. Helburua denok dantzaz eta dantzarekin gozatzea eta ongi pasatzea delarik.